رِۆژی دووشه‌مه‌ له‌هۆڵی سه‌رۆكایه‌تی شاره‌وانی به‌ئاماده‌بوونی رِۆژنامه‌نوسان و كه‌ناڵه‌كانی ته‌له‌فزیۆن و به‌ مه‌به‌ستی خستنه‌ رِووی كارو چالاكی و پرۆژه‌ خزمه‌تگوزراییه‌كانی ساڵی 2011 بۆ پێش چاوی كامێراو میدیاكان، خه‌سره‌و كه‌مال به‌ یاوه‌ری سه‌رۆكی ئه‌نجومه‌نی شاره‌وانی و جێگره‌كه‌ی له‌ ته‌لارى سه‌رۆكایه‌تى شاره‌وانى سلێمانى كۆرِێكی رِۆژنامه‌وانییان سازكرد.

به‌برِی بودجه‌ی ( 3644757000 ) ملیار دینار پرۆژه‌ى خزمه‌تگوزاریی وه‌ك دروستكردنى ئاوه‌رِۆی سندوقی و لوله‌كی ، دیواری رِاگری كۆنكرێتی ، باراناو ، قادرمه‌و رِێككردنه‌وه‌ی كۆلاَنه‌كان بۆ گه‌رِه‌كى كه‌ڵه‌كن له‌جێبه‌جێكردندایه‌.
ئه‌ندازیاری سه‌رپه‌رشتیار له‌نجه‌ كه‌ریم رِایگه‌یاند: "له‌به‌رواری 5/10/2011 وه‌ ده‌ستبه‌كار بوین سه‌رجه‌م كاره‌كان له‌لایه‌ن كۆمپانیای ( عه‌بدولقادر مه‌حموده‌ ) ئه‌نجام ده‌درێت و ده‌بێت له‌ماوه‌ی 450 رِۆژدا كارى پرِۆژه‌كه‌ ته‌واو بكرێت و تائێستاش 21% ی كاره‌كانی ته‌واو كراوه‌" .